jueves, 29 de enero de 2009

PREMIOS LA CALEYA 2008



El pasáu Xineiru y 24 entregónunse los premios del segundu certamen lliterariu en llïonés qu´entama l´asociación cultural astorgana "La Caleya". Los miembros del xuráu, l´escritor, filólogu y antropólogu de Palacios del Sil Roberto González-Quevedo; el filólogu llïonés Héctor García Xil y l´escritor asturianu d´orixen bercianu Xuan Bello decidienun otorgar el primer premiu na modalidá de rellatu a Jonathan Rodríguez Bayo pur "El castigu de San Juanicu" , mientras que´l primer premiu de poesía recayóu en Emilio Gancedo pur "Un país de vinu y lleiche" . Esti Certame Lliterariu La Caleya 2008-Reinu de Llión» tamién entregóu un segundu premiu na categoría de rellatu, que recayóu en Florentino Carbajo pur "El Prigueirín" ; y na de puesía, que fou pa Rubén García y" Las palabras del monte" . Los terceiros galardones de rellatos y puesía fuenun pa "Lluna" , de Miguel Gelado; y pa "Lu que m´avera de ti" , de Rosario Martínez. Decidióuse entregar un cuartu premiu de rellatos, conxuntamente, a Jesús Ángel González, pur "García de León" ; José Antonio Falagán, pur "Los maquis" ; Abel Martínez, pur "Una sala ensin ventanes" ; Nicolás Bartolomé Pérez, pur "Déjà vu" ; y María José Zurrón, pur "San Juan" ; asina cumu un cuartu premiu de puesía pa Álvaro Pérez y la sua "Milenta orvallos" . L´Asociación animóu a que se presenten obras pa la sigiente convocatoria.


No hay comentarios: