miércoles, 24 de abril de 2013

ABRIL Y 24. DÍA LA INDEPENDENCIA. HOMENAX A LOS HÉROES LLÏONESES




ABRIL Y 24.

DÍA LA INDEPENDENCIA.

HOMENAX A LOS HÉROES LLÏONESES




Cumu tolos años al averase la data d´Abril y 24, dende ComunidáLlïonesa.Ye -ComunidadLeonesa.ES- (Coordinadora d´Uerganizaciones, Asociaciones y Colecutivos) queremos convidar a tolos llïoneses a acompanganos na llariega cellebración del Homenax a los Héroes Llïoneses.

Cumu siempres comentamos, la elleición d´esta data nun ye casual puestu que´n Abril y 24, 1.808, la capital del Reinu de Llión, cul sou coronel D. Lluis de Sosa a la tiesta, fou la primeira ciudá d´Hespaña en llevantase escontra las tropas de Napoleón, mediante la proclama de Fernandu VII cumu rei y l´aniciu de llistas de reclutamientu pa lluchare escontra l´invasor.

Dende mediaos del sieglu pasáu, esisten na nuesa ciudá, sendas cais cunos nomes "24 de Abril" y "Luis de Sosa" que rememoran aquel feichu históricu, recoyíu, ente outros documentos de la dómina, na correspondiente Auta del Conceyu de Llión, tandu dichos sucesos nel orixe d´esti Homenax a los Héroes Llíoneses y de la colocación d´una placa nel Consistoriu la Plaza Mayor, nel Bicentenariu los sucesos, cul testu darréu:

«A los leoneses que en 1808 se levantaron por la libertad y la independencia de su país».

P´amenizare l´aspera habrá música llariega y hacia las 20,00 horas, niciaremos el recorríu habitual pula cai Ancha, Plaza de Regla, cai Mariano Dominguez Berrueta y Plaza Mayor.

Cumu n´años anteriores pidimos al Ayuntamientu que nos abra el Consistoriu Vieyu para podere rializare la lleutura dende´l balcón onde tamién, a la fin del Manifiestu, escolingaremos cumu manda la tradición, una Corona de Llaurel dedicada a tolos Héroes Llïoneses, conocíos y anónimos, que al traviés de la historia lluchanon y lluchan pa defendere la sua tierra, la sua cultura ya identidá.

Si deseyais ampliar información podéis consultar l´enllaz darréu:




¡¡¡TAIS TOOS CONVIDÁOS!!!