lunes, 31 de agosto de 2009

CHEGA SETIEMBRE: LA LLUCHA SIGI



DESCUBRI UN PAÍS 2009: BREGANCIA



La Conceyería de Cultura Llïonesa del Conceyu de Llión, entama pur segundu añu consecutivu al traviés de la campaña "Reinu de Llión · Descubri un Pais" una riestra d'escursiones cul envís de que tolos llïoneses que lu deseyen puedan conocere los requeixos más fermosos del nuesu Reinu nos domingos de cada selmana. Las escursiones que se celebrarán n'esta ocasión y las suas datas correspondientes son: Ciá Rodrigu (Agostu y 9), Miranda del Douru (Agostu y 23), Llagos de Senabria (Agostu y 30), Bregancia (Setiembre y 6), y Val del Silenciu (Setiembre y 13).



lunes, 10 de agosto de 2009

XORNADA DE CULTURA LLÏONESA EN SAN ROMÁN DE LA VEIGA




Pásuvos esta convocatoria que m´envía´l collaciu Abel Apariciu, pal prósimu xueves, agostu y 13, a las 20h, na Cá de Cultura de la llocalidá, cul sigiente programa d´autos:

- Hestoria de Llión dende los Astures ata´l sieglu XV y la llingua llïonesa en cada dómina.
- Esposición fotugráfica

Ponentes:

- Ricardo Chao (hestoriador)

- Xosepe Vega (escritor en llïonés)

Entama:
Asociación Cultural Patrón de San Román




sábado, 8 de agosto de 2009

NIN UNA NIN DOT´s.


La xente d´AGORA cumplióu cunu de sou, cousa que nun fizun outros

Outru día más glayamos escontra la sordera d´una clas política bastarda que nun atiende a las peticiones de la xente y ta más priocupada pur caltenere y medrare nel sou puestu, anque pa eillu tenga que mercare cuna sua tierra y cul futuru de las prósimas xeneraciones a las que privan de nenguna oportunidá hipotecandu las suas posibilidaes de desenrrollu.


La meyor ensín dubia la pancarta de La Ercina. Dizlu tou.

Da iguá unos qu´outros, los políticos d´esta tierra miran pa outru llau cuandu se trata de defender e los nuesos intereses, y cuandu dalgunu vei averáu´l peligru los sous collacios deixan-ye sólu pa que nun s´amuele´l siñor de turnu de Valladolid.


ICAL nun sabe cuntare... ou sólu miente

Amás cuntan cunos medios de comunicación que tán vendios y s´ocupan de chitare tou lu que nun-yes cunvenga. Si falan d´algu sedrán mintiras interesadas pa que la xente camiente lu qu´eillos quieren.


El balcón del Conceyu de Cistierna perfeútamente decoráu


Pa facese la semeya sí taban, anque dempués nos vendan pur Herrera

Esi ye´l casu pur exemplu del Secretariu provincial de CCOO, Inaciu Fernández, que nun pierde ocasión pa falar escontra de Llión y que babea cun solu menta-ye a Valladolid, ata´l casu de paecer íntimu del mismísmu Herrera si la ocasión se tercia cumu´l día de la sua relleición que más paecía la del sindicatu vertical, pula cantidá de cargos qu´eilli s´aconceyonun p´arropa-ye.


Naide echóu en falta la rodea castiellana.


Si nun fuera pul sufitu desinteresáu de los colleutivos llïonesistas la convocatoria de Sen ... ye una pena lu desmemoriaos que son estos poliíticos que nun saben a quien ye deben lu de sou.


Representación tiatral qu´amosaba a la "Reina del Palaciu" vendiéndonos a toos y robrandu la escachada final de la nuesa provincia, a manos d´unos políticos serviles cul poder de turnu. Ella ye la Reina peru zanganos cun cargu hai pa dar y pa tomare. ¿Pa quéi queremos una istitución que nin nos representa nin defiende los nuesos intereses? ¿Cuántu van a tardar en recopensarla pur tanta traición cumu fizun cun Morano, Amilivia, Villalba, Martínez y tantos outros que nun cabría eiquí la llista? ¿Pa cuándu un PP de Llión que defienda los nuesos intereses y non los de Puzela?


Los males tamién taban representaos, peru faltaban tantos políticos y cargos llïoneses más priocupaos pul sou cargu que pul sou pueblu. ¿Ónde taba Zapateiru cuandu negocióu el nuesu futuru a cambiu d´un consensu estatutariu? ¿Ónde taba tola executiva provincial del partíu que dempués baixase los pantalones enantia la executiva autonómica y los Procuradores que nos venden, cun Larrauri a la tiesta.





Autu final cun lleutura d´un manifiestu, pul escritor de Vidanes, Jose Antonio Llamas Fernández, baixu l´atenta mirada del alcalde de Cistierna, al cualu´l sou partíu deixóu sólu, amosandu´l llïonesismu comprometíu de Paquin Raquetas qu´outra vuelta más nun tuvu arrancadeiras pa enfretase a Oscarín López, el protexiu de Zapateiru, mandáu pa poner orden en Castiella y sobru tou en Llión, cuna sua fina sensibilidá pal "feichu diferencial llïonés".