"Las llinguas son l'instrumentu pa caltenere, sofitare y desendolcare'l nuesu patrímonu cultural. Tolas ñiciativas pa promoveré la difusión las llinguas maternas servirá, a más de pa incentivare la diversidá llingüística y la educación multillingue, pa creyare mayor conciencia sobru las tradiciones llingüísticas y culturales de tol mundu ya ispirare la solidaridá basada nel entendimientu, la tolerancia ya'l diálogu.
Mueitas presónos en tol mundu falan llinguas que tan en pelligru d'esapaecere. Son en xeneral llinguas minoritarias y amenorgadas.
Hai xente que diz que si toos falásemos la mesma llingua sedría mueitu miyor perú, la rialidá ye que cun ca llingua qu'esapaez, la nuesa diversidá cultural s'emprobece.
• Dende que'I ser humanu entamóu falare, unas 30.000 llinguas esapaecieron.
• Áutualmente, unas 3.000 llinguas de las 6.000 o 7.000 esistentes nel mundu, tan en
peligru.
• Tolos años, a lu menos 10 llinguas esapaecen.
• Considérase qu'una llingua ta en pelligru cuandu tien menos de 100 mil falantes.
El términu "llingua materna" refiérese a deillas situaciones:
• La primeira llingua que deprendimos.,
• La llingua cuna que nos identificamos ou cuna que nos identifican los outros. ,
• La llingua que miyor y más falamos.
Ca llingua ta xunida a la cultura d'un pueblu y deixare de falare la llingua que carauteríza a un territoriu orixina un empobrecimientu cultural qu'afeuta a tola sociedá, amenorga las posibilidaes de comunicación y pone torgas al dialogu ente las culturas desemeyadas.
En'resume, el Día Internacional de la Llingua Materna, a más de promoveré la proteición de las llinguas minoritarias, trata de destacare la importancia de la llingua materna. Falare la llingua propia de caún ye'l nuesu dreichu. La nuesa llingua ye parte de la nuesa identidá cumu presonas y cumu tal tien de sere respetada.
Tolos años, dende Febreiru y 2000, cellébrase esta data cul oxetu de promovere´l multillinguismu y la diversidá cultural y la reconocencia y la práutica de las llinguas nativas, n'especial las de las minorías."
