viernes, 28 de noviembre de 2008

MANIFESTACIÓN ESCONTRA LA INCINERACIÓN


Pásuvos esta convocatoria tal cual me chegóu, n´esti mesmu día y
animaivos a robrare la campaña de Bierzo Aire Limpio:

"En sofitu las convocatorias escontra las incineraciones


Una de las consecuencias más visibles del colonialismu que padez el País Llionés, ye l'aumentu de proyeutos dañibles que persiguen llibrase de los residuos producíos n'outros llugares del Estáu, como'l yá recurrente del ciminteriu nuclear, ou los más nuevos consistentes na incineración de neumáticos y las queimas en cementeiras.
Anguanu esisten cuatru proyeutos, toos na Provincia de Llión, onde la "Junta de Castilla y León" apuesta por "soluciones qu'escamudan en problemas", lo que convertirá a la nuesa provincia nortiza na mayor incineradora de neumáticos del Estáu. Contrasta este comportamientu cola actuación d'outros gobiernos autonómicos, como'l de Aragón, onde por Llei s'arrincaron estas práuticas.

Del Día d'Aición Global contra la Basura y la Incineración, las entidaes sociales llionesas Plataforma "Bierzo Aire Limpio", "Ecologistas en Acción–Provincia de León" y "Asociación para la Defensa del Medio Ambiente de La Robla", entaman esta fin de semana dellos actos informativos y vindicativos.

Dende la organización AGORA chamamos a la sociedá llionesa pa participar en toos ellos y amosar el nuesu refugu pa con esti tipu de proyeutos basoria. Al empar, facemos un apueste pola prevención de la xeneración, el reciclaxe, compostaxe y revalorización de los residuos, p'algamar l'oxetivu de Basura Cero, como solución necesaria pa tratar el grave problema del Calentamientu Global.

El calendariu d'autos ye'l siguiente:

* Vienres 28 de noviembre a las 19,30 horas, na Casa la Cultura de La Robla, Coloquiu: "Incineración de residuos y contaminación atmosférica en La Robla" por:
-Antonio Fernández Figueroa de l'"Asociación para la Defensa del Medio Ambiente de La Robla"
-Alberto del Pozo de l'"Asociación para la Defensa de la Sanidad Pública de León"
-Luis Fernández Canedo de la Plataforma "Bierzo Aire Limpio"

* Sábadu 29 de noviembre a las 16,30 horas, na Plaza Lazúrtegui de Ponferrada, Manifestación hasta la Plaza'l Conceyu y Festival-Gala escontra la incineración, colas intervenciones de José Álvarez de Paz y Ladislao Martínez, y las actuaciones d'Ainda, Escuela de gaitas del "Centro de enseñanza musical de El Bierzo", el cantautor Dionisio, Rafaria Montecristo Trío, y el poeta y actor José Luis Prada.

* Domingu 30 de noviembre a las 12 horas, na Plaza Mayor d'Astorga, Concentración escontra la incineradora de neumáticos de Brañuelas, y el restu de proyeutos d'incineración de residuos que se proyeutan na Provincia de Llión."

No hay comentarios: