Cun motivu de la celebración del Día de la Llingua Materna, promovíu pula UNESCU pa febreiru y 21, l’Asociación en Defensa de la Llingua Llïonesa El Fueyu, l’Asociación Berciana en Defensa de la Llingua Llïonesa El Toralín, l’Asociación Cultural “La Barda” de Salamanca, l’Asociación de Profesores y Monitores de Llingua Llïonesa y l’Asociación puntuLLI quieren facer públicu’l manifiestu que bien darréu:
1.- La situación na que s’atoupa la Llingua Llïonesa guei, febreiru y 21 de 2009, ye, sigún la propia UNESCO, cumu “Seriosly Endangered”, ye dicir, en seriu peligru. D’outra manu, son importantes los esfuertos que se desenvolvieran esti añu pa facer medrar la conocencia del nuesu idioma, el sou deprendizax y el sou usu en tolas estayas.
2.- N’estas cabeiras datas, son innegables los esfuerzos y avances algamos na preservación, fomentu y promoción de la llingua llïonesa.
3.- Queremos facer notar especialmente’l llabor de deillos conceyos:
Conceyu de Llión: Deillas conceyerías ye posible recibir información en Llingua Llïonesa, onde’l conceyu espubliza na sua páxina web nuevas en Llingua Llïonesa y onde pula primer vuelta na historia nel 2009 la Llingua Llïonesa ye materia extraescolar en selce colexos, y continúa cun un esitosu programa d’educación d’adultos qu’aconceya a más de 100 alunos y celebración del II Día de la Llingua Llïonesa. El Conceyu de Llión impulsara la creyación d’una estaya de tradución que tien feichas más de 100 páxinas web nel nuesu idioma. Conceyos de Mansiella, Coyanza, La Bañeza, Zamora y Salamanca: ufren la posibilidá d’aprender oficalmente la Llingua Llïonesa en convenios cuna Asociación Cultural de la Llingua Llïonesa “El Fueyu”. La Diputación Provincial de Salamanca, que fomenta l’usu del idioma propiu al traviés de suvenciones p’hacia la música en Llingua Llïonesa. La Diputación Provincial de Llión robróu un conveniu que permitíu la celebración de cursos oficiales de Llïonés en bien de llugares del Reinu de Llión. El Conseyu Comarcal d’El Bierzu que punxu los medios pa la celebración de cursos de Llingua Llïonesa en Ponferrada. Las Cortes Autonómicas y del estáu que reconocieran oficialmente a la Llingua Llïonesa en l´Estatutu d’Autonomía.
2.- N’estas cabeiras datas, son innegables los esfuerzos y avances algamos na preservación, fomentu y promoción de la llingua llïonesa.
3.- Queremos facer notar especialmente’l llabor de deillos conceyos:
Conceyu de Llión: Deillas conceyerías ye posible recibir información en Llingua Llïonesa, onde’l conceyu espubliza na sua páxina web nuevas en Llingua Llïonesa y onde pula primer vuelta na historia nel 2009 la Llingua Llïonesa ye materia extraescolar en selce colexos, y continúa cun un esitosu programa d’educación d’adultos qu’aconceya a más de 100 alunos y celebración del II Día de la Llingua Llïonesa. El Conceyu de Llión impulsara la creyación d’una estaya de tradución que tien feichas más de 100 páxinas web nel nuesu idioma. Conceyos de Mansiella, Coyanza, La Bañeza, Zamora y Salamanca: ufren la posibilidá d’aprender oficalmente la Llingua Llïonesa en convenios cuna Asociación Cultural de la Llingua Llïonesa “El Fueyu”. La Diputación Provincial de Salamanca, que fomenta l’usu del idioma propiu al traviés de suvenciones p’hacia la música en Llingua Llïonesa. La Diputación Provincial de Llión robróu un conveniu que permitíu la celebración de cursos oficiales de Llïonés en bien de llugares del Reinu de Llión. El Conseyu Comarcal d’El Bierzu que punxu los medios pa la celebración de cursos de Llingua Llïonesa en Ponferrada. Las Cortes Autonómicas y del estáu que reconocieran oficialmente a la Llingua Llïonesa en l´Estatutu d’Autonomía.
4.- Ye importante también el trabayu desendolcáu pur asociaciones y organizaciones de tou xeitu a favor del idioma propiu.
5.- Ye destacable la produción en Llingua Llïonesa de los medios de comunicación, especialmente los dixitales, que son, anguañu, unu de los principales calces pa desenvolver una autividá importante pa la promoción del idioma llïonés.
6.- La promoción de la Llingua Llïonesa al traviés d’Internet, y la campaña pur algamar un domiñu propiu promovida pula Asociación puntuLLI.org al traviés de www.puntuLLI.org ta siendo tou un ésitu, cun 44 organizaciones y más de 700 particulares que robraran a favor de que la llingua llïonesa disponga d’un identificativu propiu n’Internet: el .LLI.
7.- Esti añu, la Llingua Llïonesa fou emplegada cumu llingua internacional oficial nel XXIX Campionatu del Mundu de Llucha de Brazos, lu que promueve la presencia y conocencia de la Llingua Llïonesa más p’allá de las nuesas llindes llingüísticas y territoriales.
8.- Ye ca vuelta más importante’l númberu d’asociaciones y organizaciones qu’utilizan el Llïonés tantu nos sous nomes cumu nel sou llabor diariu.
Pur tou eillu, nel Día Internacional de la Llingua Materna, las asociaciones que robran esti comunicáu quieren indicar:
1.- La importancia de la educación de la Llingua Llïonesa nos cursos oficiales p’adultos, debiendu facer un esfuerzu pul sou desenvolvimientu en tol país.
2.- La importancia de la educación nos colexos, felicitandu al Conceyu de Llión pur sere cabezaleiru n’esta llínia de trabayu y faciendu un brinde a la sua estensión a tolas estayas escolares y a tol territorio llïonés.
3.- La importancia de la implicación de las alministraciones públicas, en conveniu cunas asociaciones en defensa de la Llingua Llïonesa, pa la promición del idioma.
4.- La importancia de la reconocencia del dreichu a recibir información en Llingua Llïonesa y a utiliza nas alministraciones públicas.
5.- La importancia de los medios de comunicación pa promover el idioma llïonés.
6.- La importancia de las falantes y del sou trabayu utilizando l’idioma na sua vida cotidiana, especialmente utilizando las nuevas teunoloxías y faciendu abiertamente del idioma una siña d’identidá y d’arguyu coleutivu de tol pueblu llïonés.
Nel País Llïonés y febreiru 21, 2009
No hay comentarios:
Publicar un comentario