Facere clic sobru la imaxe pa lliere´l testu
Cuna presencia d´un nutríu grupu d´autoridaes, desenrrollónunse las Xornadas del Caldeiru en Riañu en Mayu y los días 22 al 24. Resultóu curiosu alcordare cumu los argumentos d´entoncias sigen siendu los mesmos d´agora... un piqueñu sacrificiu... un piqueñu sacrificiu pa matare los nuesos pueblos y anegare los nuesos meyores valles y asina afogare´l nuesu futuru, pulu mesmu que nun podemos tenere la nuesa propia autonomía, pulu mesmu que perdimos la nuesa minería, la nuesa cabaña ganadeira, pulu mesmu que nun se desenrrolan las nuesas infracadarmas, pulu mesmu que van a ponenos la Sama-Velilla y nun van a facer outru San Gloriu qu´el palentinu, pulu mesmo que nun ye necesaria una Facultá de Melecina y el camín más curtiu a Pertual ye pur Valladolí, pulu mesmu que vamos sere´l basureiru de toda Hespaña cuna anuencia de la Conseyería de Mediu Ambiente y del Ministeriu correspondiente. Agora l´augua de Riañu ya chega a Castiella y las eleutricas van sacandu rendimientu, mientras los nuesos ríos muerren xuntu a los nuesos pueblos y yá nun queda naide pa regare unos cultivos que nun son rentables. Nun pasa na, pidennos el votu, y los nuesos políticos tan domesticaos cuna panza chena y mirandu pa PPuZela.
Agora vos deixu esta amuesa de la intifada poética. Asperu que vos preste:
Charo Martínez Domínguez La Bañeza, Mayu de 2009Agora vos deixu esta amuesa de la intifada poética. Asperu que vos preste:
ALCORDANZAS DE CAPILOTES
Tornu guei, y van y van yá mueitos años
Tornu guei, escarbandu feridas
que nun quieru sanar.
Acasu, un día
cuandu la borrina s´adientre na memoria mía
you seya a esqueicer.
Aquel sábadu de Mayu, calteniendu la rabia
recueyí capilotes.
Una manu cobarde robrara la infamia
que condenóu a vivire sepultáu pulas auguas
y a marchar al destierru.
Una mala mai desprecióu al sou fiyu
favoreciendu a outros.
Madrastra de fiyos despreciaos.
Solidaria la tierra llïonesa
Solidarias las suas xentes.
Afogonun los suaños cun cuentos y cuntas.
Outra vegada más pagamos outras deudas.
Sacrificiu inútil nin pagu nin agradecíu.
Camudará la xente, estas son outras dóminas
Naide lu esborriará de la memoria.
Ha de chover una mariella chuvia
de mariellos capilotes pa que toos pescancien
qu´el pasáu nun ta perdonáu
nin esqueicíu.
Tornu guei, y van y van yá mueitos años
Tornu guei, escarbandu feridas
que nun quieru sanar.
Acasu, un día
cuandu la borrina s´adientre na memoria mía
you seya a esqueicer.
Aquel sábadu de Mayu, calteniendu la rabia
recueyí capilotes.
Una manu cobarde robrara la infamia
que condenóu a vivire sepultáu pulas auguas
y a marchar al destierru.
Una mala mai desprecióu al sou fiyu
favoreciendu a outros.
Madrastra de fiyos despreciaos.
Solidaria la tierra llïonesa
Solidarias las suas xentes.
Afogonun los suaños cun cuentos y cuntas.
Outra vegada más pagamos outras deudas.
Sacrificiu inútil nin pagu nin agradecíu.
Camudará la xente, estas son outras dóminas
Naide lu esborriará de la memoria.
Ha de chover una mariella chuvia
de mariellos capilotes pa que toos pescancien
qu´el pasáu nun ta perdonáu
nin esqueicíu.
No hay comentarios:
Publicar un comentario