CICLU CONFERENCIAS IX

I CICLU DE CONFERENCIAS REINU DE LLIÓN

IX

NA LLINDE.

Un averamientu a las esperiencias vidiugráficas surdidas dende Llión.

Conferencia

Jesús Palmero

-------------------------------------------

ESPERIENCIAS VIDIUGRÁFICAS EN LLIÓN

Proyeiciones de

Bruno Marcos, Rafael Anel, Juárez y Palmero, etc.

Día: Xunu y 4

Hora: 19,30 h.

Llugar: Salón d’Autos Palaciu Don Gutierre

Notas curriculares:

Jesús Palmero, ye llicenciáu en Bellas Artes pula Universidá Complutense de Madrí. Na autualidá compaxina l’autividá artística (ye miembru del equipu Juárez & Palmero dende 1991) cuna docencia. Participóu nel comisariáu y cordinación de desemeyaos proyeutos espositivos cumu Poéticas interurbanas (Astorga 2004), La ruta del agua (Salamanca 2007) ou na puesta en valor de la oubra fotográfica de Bernardo Alonso Villarejo (Bembibre 1906-1998). Impartíu conferencias, talleres y cursos, asina cumu participóu en deillas mesas redondas sobru desemeyaos aspeutos de la plástica contemporánea. Recientemente dirixíu’l documental En los límites de las sombras.

Conteníu:

La democratización de los medios audiovisuales orixinóu que mueitos artistas contemporáneos empleyen el vídiu cumu una ferramienta más de trabayu. Esta práutica nun fou ayena a dalgunos artistas vinculaos cun Llión cumu Agustina Otero, Dora García, Bruno Marcos, Alfredo Omaña, Jorge Quijano, Rafael Anel, Ruth Gómez, Silvia Zallas o Juárez & Palmero. Artistas na llinde en cuyas oubras persiste la necesidá de disolvere las llindes aportandu, a una sociedá ca vuelta más involucionista, una rigurosa vía de futuru.

El vídiu empleyáu cumu un llinguax autónomu permite al artista traspasare las llindes del discursu tradicional de las artes plásticas y afrontar l’alcuentru de la oubra cul espeutador dende los parámetros de la mirada educada na fugacidá de la imaxen.