LA PUESÍA LLÏONESA NA SEGUNDA MITÁ DEL SIEGLU XX

Dandu continuidá al tercer Ciclu de Conferencias Reinu de Llión, entamáu pul Conceyu de Llión, al traviés de la Conceyería de Cultura Llïonesa, y que vien desenrrollándose nel Palaciu Don Gutierre a las 20h, esti miércoles Abril y 14, ye´l turnu de José Enrique Martínez Fernández que falará sobru..

LA PUESÍA LLÏONESA NA SEGUNDA MITÁ DEL SIEGLU XX.

José Enrique Martínez Fernández. Catedráticu de Tioría de la Lliteratura y Lliteratura Comparada de la Universidá de Llión, naciéu en Xouzas d'Abaixu (Llión) en 1947. Los sous trabayos d'investigación centrónunse principalmente en cuestiones de puética, métrica y puesía contemporania, a la empar que na edición de clásicos y modernos. Ente las suas numberosas publicaciones, figuran los llibros que sigen darréu: "Victoriano Crémer, el hombre y el escritor" (1991), "La ciudad inventada" (1994), "El fragmentarismo poético contemporáneo" (1996), "La intertextualidad literaria" (2001), "Grupo "Cántico" de Córdoba. Comentarios de poemas" (2005) y la parte correspondiente a la puesía d' "El siglo de oro de las letras leonesas" (cordináu cun Alfonso García Rodríguez y Nicolás Miñambres) (2007). En prensa tien el llibru "Voces del Noroeste, Capítulos de literatura berciana" Ye autor de la edición critica d' "En la luz respirada", d'Antonio Colinas (2004), a cuya obra, asina cumu a la de mueitos puetas contemporanios dedica los sous principales afanes de lleutor y de críticu. En 2009 surdienun, baixu la sua díreíción, las puesías cuasi completas de Victoriano Crémer cul títulu "Los signos de la sangre" y el llibru "Victoriano Crémer. Cien años de periodismo y literatura", aulas del Congresu cellebráu en Llión sobru la obra del amentáu escritor.

Conteniu. Puede afirmase que 1944 ye'l braeiru añu de nacencia de la puesía Hespañola de posgerra y, en concretu de la LIïonesa, cul surdimientu de la revista Espadaña y de los llibros "La estancia vacía", de Leopoldo Panero y "Tacto sonoro", de Victoriano Crémer. El cursu de la puesía LIïonesa a lu llargu los cincuenta años sigientes caltúvuse unida tantu a determinadas revistas (Claraboya, Cuadernos leoneses de poesía, etc.) cumu a deillos nomes d'importancia nacional cumu los dous ya citaos y Eugenio de Nora nicialmente; dispués presenciemos l'apaición de los primeiros puemas d'Antonio Pereira y Antonio Gamoneda, guei cellebráu cumu un de los puetas fundamentales del momentu presente. La xeneración novísima allumaría un nuevu pueta, Antonio Colinas. Y n'outru carreiru, los puetas de Claraboya, cun Agustín Delgado. Nuevos nomes van uniénduse al panorama: Julio Llamazares, Ildefonso Rodríguez, Andrés Trapiello, etc, ata chegar a los más xóvenes (A.I. Conejo, L. Artigue, R. Lanseros, ect) dalgunos d'eillos aconceyaos alredior a l'aventura del grupu Leteo.