Continuandu cuna programación del tercer Ciclu de Conferencias Reinu de Llión, entamáu pul Conceyu de Llión, al traviés de la Conceyería de Cultura Llïonesa, y que vien desenrrollándose nel Palaciu Don Gutierre a las 20h, esti miércoles ye la vecera de Isabel Cantón, que va falare de la narrativa llïonesa autual.
LA FUNDACIÓN SIERRA-PAMBLEY
CUMU ISTITUCIÓN EDUCATIVA LLÏONESA
Isabel Cantón. Catedrática de Didáutica y Organización Escolar, na Universidá de Llión. Cordina programas de Doutoráu cun Bonos Aires y Venezuela y participa nos de la Universidá de Llión, Ouviéu y Salamanca, n'Hespaña; Bregancia y Llisbona (Pertual). Ponente en Congresos Nacionales ya Internacionales: Burdeos, Llima, Tolosa, Amberes, Brusel, Xerusalén, Cuba, Suecia, Perú, Venezuela y Bonos Aires. Collabora davezu na formación continua de mayestros de Primaria y Secundaria. Ye autora d'unos venti llibros, investigandu sobru la evaluación de la calidá de los centros educativos. Las suas últimas espublizaciones son las que sigen darréu: La Implantación de la calidad en los centros educativos. Una perspectiva aplicada y reflexiva. Madrid, CCS; Planes de Mejora en los Centros Educativos. Malaga: Aljibe. Intervención organizativa en la sociedad del conocimiento. Granada: GEU. La Organización Escolar Normativa y Aplicada. Madrid: Biblioteca Nueva. Analec y la dislexia cun André Inizán, El liderazgo y la dirección de Centros Educativos; cun Ana Rosa Arias Gago, en Barcelona, Davinci; La cátedra de Latín de Lois, cun Marta Prieto Sarro y cordinóu un llibru colleutivu en 2009: Narraciones de la Escuela.
Conteníu. Llión Tolstoi escomencipia la sua novela Ana Karenina cun una fras sinificativa: "Tolos mayestros bonos aseméyanse, mentantu que los malos lu son caún al sou xeitu". La Fundación Sierra-Pambley fou simiente de bonos mayestros y de miyores alunos en Llión. Un destacáu fidalgu Llíonés, Francisco Fernández Blanco de Sierra y Pambley, decidíu perpetuase al donar la sua herencia a tolos Líioneses na forma que miyor podían aproveichala: fundandu escuelas en Vitsablinu, Hospital, Villameca, Llión y Moreruela de Tábara (ésta en Zamora). La llinia pedagóxica d'estas escuelas, la intervención n'eillas de presonas tan relevantes cumu Giner, Azcárate, Cossío, etc. que dediconun el sou tiempu y los sous conseyos a amiyorare la educación que n'eillas se daba, confiérenye la categoría d'escelentes. Los avatares del devenire de la Fundación, de los sous mayestros y de los sous alunos, faen de la mayor istitución educativa de la provincia de Llión un casu irrepetible y únicu d'ensiñu pioneiru y de calidá.
Conteníu. Llión Tolstoi escomencipia la sua novela Ana Karenina cun una fras sinificativa: "Tolos mayestros bonos aseméyanse, mentantu que los malos lu son caún al sou xeitu". La Fundación Sierra-Pambley fou simiente de bonos mayestros y de miyores alunos en Llión. Un destacáu fidalgu Llíonés, Francisco Fernández Blanco de Sierra y Pambley, decidíu perpetuase al donar la sua herencia a tolos Líioneses na forma que miyor podían aproveichala: fundandu escuelas en Vitsablinu, Hospital, Villameca, Llión y Moreruela de Tábara (ésta en Zamora). La llinia pedagóxica d'estas escuelas, la intervención n'eillas de presonas tan relevantes cumu Giner, Azcárate, Cossío, etc. que dediconun el sou tiempu y los sous conseyos a amiyorare la educación que n'eillas se daba, confiérenye la categoría d'escelentes. Los avatares del devenire de la Fundación, de los sous mayestros y de los sous alunos, faen de la mayor istitución educativa de la provincia de Llión un casu irrepetible y únicu d'ensiñu pioneiru y de calidá.
No hay comentarios:
Publicar un comentario