LA RUTA VADINIENSE DEL CAMÍN DE SAYAGU

DIARIO DE LEÓN
(enllaz cuna nueva na web del DL)

Fomento señaliza el Camino de Santiago que atraviesa Cistierna

La ruta conocida como Vadiniense parte desde Potes, sigue por la Montaña Oriental y finaliza en Mansilla de las Mulas

27/02/2010

JOSÉ MARÍA CAMPOS | CISTIERNA

(Tornáu al llïonés)

El Ministeriu de Fomentu chevóu a cabu la siñalización del Camín de Sayagu Ruta Vadiniense-Picos d´Europa, que sorte dende Potes, en Cantabria, y altraviesa la montaña oriental llïonesa. Esta autuación encuadrase dientru´l plan de siñalización de los cimeiros caminos xacobeos esistentes na provincia, que supuséu una inversión de 86.000 euros.

Una de las cimeiras rutas que dan pal Camín francés ye la Ruta Vadiniense, que sorte dende Santu Toribiu de Lliébana y chega a Mansiella Las Mulas. Tien una llonxitú de 134 kilómetros y altraviesa poblaciones cumu Portiella la Reina, Bouca d´Huérganu, Riañu, Cistierna ou Gradefes. Esta ye la ruta que fina de siñalizar el Ministeriu de Fomentu cun unos grandes carteles qu´alcuerdan que se ta nel Camín de Sayagu, itinerariu cultural europeu. La "Asociación de Amigos del Camino de Santiago Ruta Vadiniense-Picos de Europa", de Cistierna, cheva más d´una década poniendu en valor esta ruta, de manu del sou presidente José Fernández Arenas, profesor eméritu de la Universidá de Barcelona y escritor d´una veintena de llibros, de los cuales dalgunos tratan de los desemeyaos caminos. L´asociación xestiona l´aguespadeiru -"albergue"- municipal de Cistierna pa dare serviciu a los pelegrinos que cada añu diciden rializar la ruta Vadiniense. Los maníficos paisaxes qu´altraviesa esta ruta y las calzadas romanas tán poniendu en valor ca vuelta más esti Camín a Sayagu.

Un de los xeitos de facere esti Camín, que l´autor chama "Opción B" pula marxen esquierda del Ríu Esla, permite´l pasu pula Villa de Agnes nomada guei Vidanes, onde nacéu un llïonés illustre en Abril y 24, de 1703 y onde podemos alcontrare un bustu conmemorativu amás de la sua cá blasonada.

Darréu vos deixu la direición de L´Asociación

Asociación de Amigos
del
Camino de Santiago

C/ San Guillermo, 18 (Albergue San Guillermo)
Albergue de Peregrinos
24800 CISTIERNA (León)
987702065 / 696071378
rutavadiniense_jacobea@yahoo.es