Semeya del Diariu del Llión
ÚLTIMAS NOVEDAES
NA NARRATIVA LLÏONESA
Dientru de la programación del tercer Ciclu de Conferencias Reinu de Llión, entamáu pul Conceyu de Llión, al traviés de la Conceyería de Cultura Llïonesa, y que vien desenrrollándose nel Palaciu Don Gutierre a las 20h, ye la vecera de NIcolas Miñambres, que va falare de la narrativa llïonesa autual.
Nicolás Miñambres. Anque naciéu en Salamanca (Ámalos d'Alba, 1946), considérase Llïonés d'adoución, onde impartiera clases de Llingua y Literatura a lu llargu de trenta y cincu años. Ye catedráticu de Literatura nel IES Legio VIl y miembru del suplementu lliterariu "Filandón" del Diario de León, onde s'ocupa principalmente de l'autividá crítica alredior de la narrativa Hespañola autual y especialmente de la narrativa Llíonesa. Súa ye la edición d'una curiosa obra d'esta ciudá, "Historia del valeroso caballero don Rodrigo de Peñadura", asina cumu de la obra del Bañezanu Menas Alonso. "Vendimiario". Los sous trabayos apaecieran n'outros medios nacionales. Formóu parte de deillos xuraos, incluyíu'l Premio Nacional de Narrativa. Nel campu de la nuesa cultura de Llión investigóu en deillos trabayos sobru'l tiatru Llïonés nel sieglu XVII. Collaboróu na obra "Los pueblos de León" y la "Enciclopedia leonesa". Ye coautor (cun Alfonso García, José Enrique Martínez y María José Conde Guerri) d' "El siglo de oro de las letras leonesas"
Conteníu. Tentaréi d'amosare cúmu la narrativa Llíonesa s'alcuéntra ente las manifestaciones Iliterarias más ricas de tolas provincias d'Hespaña. Procuraréi aportare ciertas hipótesis, hipótesis namái, qu'esclarien este chamativu esporpolle lliterariu. Al traviés d'un recorríu críticu pulas novedaes de los últimos años, demostraréi esta riqueza lliteraria, a cuyu desenrollu collaboraran los grandes mayestros, perú tamién xóvenes y escelentes creyadores. Trataréi de confirmare esta riqueza de la nuesa lliteratura Llïonesa amosandu cúmu tolas tendencias de la miyor narrativa Hespañola (tantu en novela cumu en relatu) alcuéntranse presentes nas espublizaciones de los nuesos creyadores. Aneudóticamente, fadréi granible esta riqueza creyativa dandu una rellación de las obras apaecidas nos dous ou tres últimos años, dalgu sorprendente pa'l lleutor mediu. Humilde y aneudóticamente, seique esponga una aprosimación a las tribulaciones d'un críticu de narrativa Llíonesa, recordandu que'l títulu de críticu nun esiste na terminuloxía uficial.
Conteníu. Tentaréi d'amosare cúmu la narrativa Llíonesa s'alcuéntra ente las manifestaciones Iliterarias más ricas de tolas provincias d'Hespaña. Procuraréi aportare ciertas hipótesis, hipótesis namái, qu'esclarien este chamativu esporpolle lliterariu. Al traviés d'un recorríu críticu pulas novedaes de los últimos años, demostraréi esta riqueza lliteraria, a cuyu desenrollu collaboraran los grandes mayestros, perú tamién xóvenes y escelentes creyadores. Trataréi de confirmare esta riqueza de la nuesa lliteratura Llïonesa amosandu cúmu tolas tendencias de la miyor narrativa Hespañola (tantu en novela cumu en relatu) alcuéntranse presentes nas espublizaciones de los nuesos creyadores. Aneudóticamente, fadréi granible esta riqueza creyativa dandu una rellación de las obras apaecidas nos dous ou tres últimos años, dalgu sorprendente pa'l lleutor mediu. Humilde y aneudóticamente, seique esponga una aprosimación a las tribulaciones d'un críticu de narrativa Llíonesa, recordandu que'l títulu de críticu nun esiste na terminuloxía uficial.
No hay comentarios:
Publicar un comentario