El Conceyeiru de Educación, Cultura Llïonesa y Nuevas Teunoloxías, Abel Pardo Fernández, diou nuncia guei de que la llingua llïonesa tará presente en tolos colexos de la ciudá tras la esperiencia pilotu rializada l'añu pasáu en dous centros educativos que superóu enforma las espeutativas asperadas de manu. L'edil llïonesista afirmóu que yá ta unviáu'l programa educativu a tolos colexos del municipiu, consistente non solu en llingua sinon tamién n'aspeutos llïoneses de base cultural cumu son l'agricultura, los animales, los Reis de Llión ou l'arquiteutura tradicional.
Amás, el conceyeiru apuntóu que'l feichu de que'l llïonés tea presente nas escuelas cumu autividá estraescolar nun tendrá dengún coste pal Conceyu de Llión yá que los cuatru monitores qu'impartirán clas son trabayadores municipales, toos eillos llicenciaos en maxisteriu y cun una fonda esperiencia nun qu'a encontu escolar se refier.
Abel Pardo tamién informóu de qu'esta autividá cumple cunos oxetivos del pautu UPL-PSOE, l'Estatutu de Castiella y Llión sobru la defensa del llïonés y de la UNESCO y la Declaración de Dreichos Llinguísticos sobru la promoción y espardimientu del llïonés al traviés de las istituciones públicas.
Amás, el conceyeiru apuntóu que'l feichu de que'l llïonés tea presente nas escuelas cumu autividá estraescolar nun tendrá dengún coste pal Conceyu de Llión yá que los cuatru monitores qu'impartirán clas son trabayadores municipales, toos eillos llicenciaos en maxisteriu y cun una fonda esperiencia nun qu'a encontu escolar se refier.
Abel Pardo tamién informóu de qu'esta autividá cumple cunos oxetivos del pautu UPL-PSOE, l'Estatutu de Castiella y Llión sobru la defensa del llïonés y de la UNESCO y la Declaración de Dreichos Llinguísticos sobru la promoción y espardimientu del llïonés al traviés de las istituciones públicas.
No hay comentarios:
Publicar un comentario