LA INDINIDÁ LLIONESA TIEN CARA

LA INDINIDÁ LLIONESA TIEN CARA

La indinidá llionesa tien cara, tien rostru y tien nomes y apellíos, nun ye una cualidá anónima. Tien nome´l diputáu que va defendere la lley que va escontra nuesa identidá y que va permitire espoliare nun solu´l nuesu ricu patrimoñu, si non tamién fuliminare la personalidá política de los nuesos pueblos y conceyos, deixándolos a mercé de los ayuntamientos, las diputaciones y de la Xunta que llevan 30 años yá minandu´l sou presente, el sou futuru y esborriandu´l sou pasáu.

Eillos van a sere los braeiros responsables del mayor atentáu que va sufrire la nuesa Identidá dende la creyación del ente autonómicu pal que trabayan y que sólu tenta d´esbarrumbare cualisquier vestixiu de la nuesa Identidá, Y cúmu tantu mata´l que peca cumu´l qu´estira  la pata. nun vamos a esqueicer a aqueillos que collaboran cul sou silenciu y cun pautos cobardes cul enemigu nas desemeyadas istituciones y qu´en días cumu guei nun pierden oportunidá pa ponere palos nas ruedas del carru, dandu consinas pa non acudir a autos reivindicativos, mentantu en Llión tien un discursu y en Valladolí y Madrí tien outru bien desemeyáu..

PULAS NUESAS XUNTAS VECINALES

PULAS NUESAS XUNTAS VECINALES

MANIFESTACIÓN

Outubre y 20, 12h

Glorieta de Guzmán el bonu

CIUDÁ DE LLIÓN

En defensa de los nuesos Conceyos y de la Xuntas Vecinales en xeneral, en defensa d´esti rasgu tan carauterísticu del xeitu llionés, un ataque mas al la identidá llionesa al qu´asisten indolentes los nuesos representantes políticos que sólu sirven a los intereses de Valladolí y Madrí.

La pérdida de las Xuntas Vecinales y cun eillas de nuesos Conceyos, nun supón tan sólu l´espoliu deliberáu del sou ricu patrimoñu, supón l´esqueiciamientu y l´abandonu de tola nuesa herencia presonal, hestórica y cultural, asina cumu un guelpe de muerte pa los nuesos pueblos, de los que viven las nuesas ciudaes.

Ye la nuesa responsabilidá, la tua y la de toos. Pulos  nuesos guelos, pulos nuesos pais y sobru tou pulos nuesas fiyas y fiyos que son el nuesu futuru y el de Llión.

TAIS TOOS CONVOCAOS

http://concejos.org/manifestacion-en-defensa-de-las-juntas-vecinales/

XORNADAS DEL CALDEIRU 2012. RIAÑU 25 AÑOS

XORNADAS DEL CALDEIRU 2012. 

RIAÑU 25 AÑOS

Esta fin de selmana tendrán llugar en Riañu (Llión) las Xornadas del Caldeiru, uerganizadas pula "Plataforma para la Recuperación del Valle de Riaño".

Cul únicu visu d´espardire los nuesos valores perdios cuna xeira desemeyada de pescanciare fasta agora, respeutu  los cimeiros problemas de la Montaña de Riañu, la "Plataforma por la Recuperación del Valle de Riaño" convoca estas nuevas Xornadas del Caldeiru pa falare de lu evidente, y mientras vivimos esti presente, proponer un futuru meyor.

PROGRAMA D´AUTIVIDAES:

Vienres y 25, Alpresentación: La Nuesa vieya Historia.
– De 16:00h a 17:00h: Nel Salón d´usos deillos del Aytu.  pasaranse dalgunos videos cumu´l tituláu: “Riaño 1987. Imágenes para recordar” de Toño y Menchi (cúmu yéramos enantias  la destruición)

– A las 19:00h: Evelio González, Investigador riañés, daranos  una charla sobru Riañu nos sous oríxenes cumu pueblu.

– A las 20:00h: El P. Eutimio Martino,y Siro Sanz, historiadores y miembros del Istitutu Bíblicu de Cistierna,  falarannos de los oríxenes de la Montaña Oriental llïonesa na Historia.

Sábadu y 26, Dende´l presente, proponemos…
...razones naturales
– 12:00h: Caldeiru de Joaquín Araujo, (esnalador de biescas). Naturalista y divulgador de reconocíu prestixiu nel nuesu país. Autor lliterariu de referencia sobru Naturaleza. Falaranos cuna sua perspeutiva, de Riañu, de los sous sinsenes y los sous sinificaos.

... razones téunicu-económicas
– 13:00h: Caldeiru de Pedro Arrojo, Doutor en Físicas y espertu en economía del Augua, Premiu Goldman Internacional 2003 pula sua defensa del mediu ambiente. Falaranos sobru las tramas ocultas de los intereses riales de las grandes oubras hidráulicas y las braeiras dimensiones necesarias pa un xustu aprovechamientu del augua.

De 17:00h a 18:00h: Pasaranse videos de la historia averada de la Comarca  Riañu, especialmente de los feichos sucedios van agora 25 años, que creyemos, ye la nuesa obligación alcordare guey, a tol mundiu.

...sinrazones de “fluviocidiu” español (fluviorazones)
– 18:00h: Caldeiru de Javier Martínez Gil, Catedráticu de Hidroxeoloxía na Universidá de Zaragoza .Falaranos del autoritarismu hidrolóxicu; de cuandu la democracia  conviertese en coartada del atropellu, del Riañu vistu dende la nueva cultura del augua,... del vandalismu hidrolóxicu istitucional…

...razones acumuladas pur 45 años de condena y 25 de pantanu
– 18:30h: Caldeiru de David Gustavo López, Inxenieru Aeronáuticu, y gran esperto en cultura y etnografía llïonesa. Fadranos un analís que  titula “La burla de los regadíos de Riaño”. De tou lu que supone pa toos esti gran erru de pantanu (Auguas enrriba y auguas embaixu del mesmu) n´una de las Comarcas de Montaña que fou de las más prósperas d´Hespaña.

– 19:00h: Caldeiru de Epi Miguélez, Téunicu de la FNCA. Fadrá l´ alpresentación del proyeutu: Riañu, Cota 1080. Puente Pedrosa-Torteros que planteya la viabilidá de la recuperación d´una parte importante del las tierras anegadas pul pantanu.

- 20:00h: Ronda de preguntas pula parte  los asistentes y atención a los medios de comunicación si procede.

Dempués, a cenar nines, onde Amparines nel Restaurante Sainz.

Domingu y 27, Nosoutros mesmos…
– A la mañana, suxerimos facer recorrios didáuticos visitandu´l Museyu Etnográficu de Riañu, Ilesia  La Puerta.
– 12:30h: en CONCEYU ABIERTU… Clausura y despedida.

…esu ye tou collacios…CALDEIRU A CALDEIRU.

Gracias y saludos pa tol mundiu. Vemosnos en Riañu.
Pa sabere mas cousas sobru lu que nos llevóu fasta eiquí, guéyalu en www.riañovive.com

 

ABRIL Y 24. DÍA LA INDEPENDENCIA. HOMENAX A LOS HÉROES LLÏONESES

ABRIL Y 24.

DÍA LA INDEPENDENCIA.

HOMENAX A LOS HÉROES LLÏONESES

Cumu tolos años al averase la data d´Abril y 24, dende ComunidáLlïonesa.Ye -ComunidadLeonesa.ES- (Coordinadora d´Uerganizaciones, Asociaciones y Colecutivos) queremos convidar a tolos llïoneses a acompanganos na llariega cellebración del Homenax a los Héroes Llïoneses.

Cumu siempres comentamos, la elleición d´esta data nun ye casual puestu que´n  Abril y 24, 1.808, la capital del Reinu de Llión, cul sou coronel D. Lluis de Sosa a la tiesta, fou la primeira ciudá d´Hespaña en llevantase escontra las tropas de Napoleón, mediante la proclama de Fernandu VII cumu rei y l´aniciu de llistas de reclutamientu pa lluchare escontra l´invasor.

Dende mediaos del sieglu pasáu, esisten na nuesa ciudá, sendas cais cunos nomes "24 de Abril" y "Luis de Sosa" que rememoran aquel feichu históricu, recoyíu, ente outros documentos de la dómina, na correspondiente Auta del Conceyu de Llión, tandu dichos sucesos nel orixe d´esti Homenax a los Héroes Llíoneses y de la colocación d´una placa nel Consistoriu  la Plaza Mayor, nel Bicentenariu  los sucesos, cul  testu darréu:

«A los leoneses que en 1808 se levantaron por la libertad y la independencia de su país».

Al cayer esti añu la  data d´Abril y  24 en martes, l´homenax  cellebrarase a la tarde, aconceyándonos, a partir de las 19,30 horas, na plaza  San Marcelu, escontra  Botines, cunas nuesas bandeiras llïonesas.

P´amenizare l´aspera habrá música llariega y hacia las 20,00 horas, niciaremos el recorríu habitual pula cai Ancha, Plaza  Regla, cai Marianu Dominguez Berrueta y Plaza Mayor onde se rializará la lleutura del Manifiestu y posterior colocación d´una corona  llaurel pa la alcordanza de tolos Héroes Llïoneses, conocios y anónimos, qu´al traviés de la historia lluchonun y lluchan pa defendere la sua tierra, la sua cultura ya identidá.

Cumu outros años  pedimos al Conceyu que se nos abra´l Consistoriu Vieyu pa podere rializare la lleutura dende´l balcón y asperamos que nun haiga problemas pa eillos, si bien, fasta la data nun tenemos recibida notificación dalguna sobru la tema.

¡¡¡TAIS TOOS CONVIDAOS!!!

ABRIL Y 23. CRESPONES NAS NUESAS BANDEIRAS

Un añu más, p´amosar el rechazu al autual ente autonómicu y a las cellebraciones d´Abril y 23, y cumu vindicación de la nuesa Autonomía Llïonesa, dende 

L´ASTIELLA convidamosvos a escolingar las vuesas bandeiras del País Llíonés cun un crespón prietu nos balcones y ventanas y esti añu tamién a aqueillos que tengáis que trabayare suxerimosvos que portéis un brazalete prietu, pa que nun quede dulda de la vuesa opinión n´ési sen.

Torna al castellanu:

Un año más, para mostrar el rechazo al actual ente autonómico y a las celebraciones del 23 de Abril , y como reivindicación de nuestra Autonomía Leonesa, desde L´ASTIELLA os invitamos a colgar vuestras banderas del País Llíonés con un crespón negro en los balcones y ventanas y este año también a aquellos que tengáis que trabajar os sugerimos que portéis un brazalete negro, para que no quede duda de vuestra opinión en ese sentido.

SAFROLÁN 2011 EN LA VIRXE DEL CAMÍN

CANDANGAS DE SAFROILÁN 2011

Programa completu n´esti  enllaz    

       

EMBOSCAOS 2011

Setiembre y 10

nel Carbayal del Monte San Isidru

CERCÁU OSERU EN RIAÑU

PUR UN CERCÁU OSERU EN RIAÑU

nel parax de Saguas

Aconceyamientu´l Vienres Agostu y 19,

19h, na Plaza del Conceyu

SI TE MANCA RIAÑU.... VEN

BRANU CULTURAL NA VILLA DE VIDANES

BRANU CULTURAL NA VILLA DE

VIDANES

Cumu entamu a las candangas de branu y cumu vien siendu costume, cellebrase na Villa de Vidanes, una serie d´autos culturales pa esfrute del públicu en xeneral, cul programa darréu:

AGOSTU 2011

Sábadu y 6, 20h, NOELIA ÁLVAREZ y HÉCTOR SÁNCHEZ, Cantu y pianu na Ilesia Sta. Inés;

Domingu y 7, 20h, VAGAMUNDOS TEATRO, tiatru de cai, na Plaza del Padre Isla;

Llunes y 8, 20h, MAGO RAFA, maxia na Plaza del Padre Isla;

Martes y 9, 20h, CRISPÍN D´OLOT, trovador, nas vieyas escuelas;

Miércoles y 10, 20h, GRITSANDA, cantu y pandeireitas, nas vieyas escuelas;

Xueves y 11, 20h, LA RUECA, folk nas vieyas escuelas;

TAIS TOOS CONVIDAOS

«Dióme vida Vidanes, centro hermoso/

de regalado suelo/

de puro clima y despejado cielo./

Breve recinto (si antes anchuroso)/

en plácida llanura/

que acrece y embellece su hermosura/

con perspectivas gratas y variadas./

Del Esla relucientes las cascadas/

sus márgenes frondosas/

anchas vegas herbosas/

al par de las colinas arboladas/

erguidas suavemente y coronadas/

que su curso constante al sol enseña/

de la encimada peña».

ROMERÍA DE BRANU NA VIRXE DE LA VELILLA

ROMERÍA DE BRANU

NEL SANTUARIU LA VIRXE DE LA VELILLA

La Mata Monteagudu

(Llión, País Llïonés)

Domingu, Agostu y 14

OMAÑA 2011 AUTIVIDAES CULTURALES DEL IEO

Autividaes culturales: Omaña 2011

Montrondo, viernes 29 de julio, Siete de la tarde: “Toponimia de Omaña: Origen, significado y evolución”, a cargo de Fernando Álvarez-Balbuena.

Murias de Paredes, jueves 4 de agosto, siete de la tarde: “Las Fuentes de Omaña: leyenda de mouros y de santos”, por Julio Álvarez Rubio. Antes de la conferencia se efectuará la entrega del premio “Omañés 2011” a Salvador González, de Villanueva de Omaña.

Senra, jueves 11 de agosto, siete de la tarde: “La tradición del ramo en la comarca de Omaña” por Dolores Rodil Osorio.

Carrizal, domingo 14 de agosto, seis de la tarde: “historias y vivencias de Carrizal de Luna” a cargo del Dr. Adolfo Díez Muñiz.

Senra, martes 16 de Agosto, siete de la tarde; Actuación de las pandereteras “Noixas”.

Valdesamario (en el Ayuntamiento), sábado 20 de agosto, siete de la tarde: “Ntra. Sra. De La Garandilla en el contexto de las Romerías del Reino de León”, a cargo de David Gustavo López, investigador y experto en temas leoneses.

Los Bayos, miércoles 24 de agosto, cinco de la tarde: actuación del grupo de bailes tradicionales “La Piérgola” de la Tercia y Arbas.

Riello (Casa de Cultura), miércoles 24 de agosto, nueve de la noche: 80 Aniversario de la "Abolición del Pan Cuarto" (1931-2011), “Los Concejos Leoneses: Una Institución de 1.000 años”. Por Laureano Rubio Pérez. Catedrático de Historia Moderna. Universidad de león.

Cul sofitu de:

Asociación Cultural Ecos de Omaña

Ayto. Murias de Paredes

Ayto. Riello

Ayto. Soto y Amío

Ayto. Valdesamario

Juntas Vecinales de:

Carrizal, Los Bayos, Montrondo, Murias de Paredes, Riello, Senra y Valdesamario

Caja España-Duero

SELMANA CULTURAL RIELLU 2011

SELMANA CULTURAL RIELLU 2011

Facere clic sobru las semeyas pa ver al detal

XUNU Y 19, TOMA LA CAI

A COYER EL TRÉBOLE

CONCIERTU

de l´Agrupación de pandeiretas

de la Escuela de Formación Tradicional

del Conceyu de Llión,

na plaza de Don Gutierre,

el llunes, xunu y 20,

a las 21:30h.

SESTU DÍA LA LLINGUA LLÏONESA

SESTU DÍA LA LLINGUA LLÏONESA

Pesia tou y toos, esti añu tamién vamos a cellebrar el Día la Llingua Llïonesa, na entavía sede la Conceyería de Cultura Llïonesa, nel Palaciu Don Gutierre, el sábadu Xunu y 18, a las 12h.

Cumu vien siendu costume, fadrase entrega los diplomas a los alunos y escolines de las desemeyadas estayas d´adepredizax de la nuesa llingua uerganizadas y sofitadas fasta guei pula citada Conceyería, tras la cual sedrán lleidos desemeyaos testos na nuesa llingua.

Pa finare l´autu cuntamos cuna Banda de Gaitas Ciudá de Llión.

Tais toos convidaos.

(Esti añu, pula crisis, nun habrá vinu llïonés, nin pinchos )

V FESTIVAL CELTA INTERNACIONAL REINU DE LLIÓN

V FESTIVAL CELTA INTERNACIONAL

REINU DE LLIÓN

Outra vuelta na Plaza Don Gutierre va a cellebrase´l V Festival Celta Internacional Reinu de Llión, pal esfrute de tolos aficionaos a la música folk durgante´l mes de xunu. Asina, pal 2011 el Festival alpresenta una programa de braeiru lluxu.

Nicia´l Festival, en xunu y 16, cunos sones de los ponferradinos Rapabestas, que debutan en Llión p´alpresentare las temas que compondrán el sou nuevo discu, qu´escomencipian a grabar esti branu. Sigirá l´implacable soníu de la gaita "d´Anxo Lorenzo y su Tirán" (xunu y 17). Pal 18 y sábadu los avilesinos Tejedor alpresentanos dalgunos de las temas de Positivu, el nuevu discu que alpresentarán xustu al día sigiente nel Centru Niemeyer. Peicha esta edición la gaita irlandesa de John Mcsherry, unu de los nomes básicos d´esti istrumentu, siendu unu de los primeiros componentes de Lúnasa, torna a Llión onde yá tuvu nun lluenxanu 2.004.

Tolos conciertos na Plaza Don Gutierre a las 22:00h

CABEIROS RABAZOS D´UNA ESCUELA, D´UNA DÓMINA

AMUESA DE LA FIN DE CURSU

ESCUELA DE FORMACIÓN TRADICIONAL

DE LA

CONCEYERÍA DE CULTURA LLÏONESA

Gaita llïonesa, xifra y tamborín, cudión diatónicu, vuzaina, indumentaria llariega, baille, castañuelas, rabel, tambor y pandeireta

Martes, Xunu y 14 a las 20h

na Plaza Don Gutierre

MÚSICA LLARIEGA NEL PALACIU

MÚSICA LLARIEGA

NEL PALACIU DON GUTIERRE

Ésta sedrá ensín dubia una de las cabeiras autividaes de carauter llïonesista que va a cellebrase nel Palaciu de Don Gutierre, sede de l´autual Conceyería de Cultura Llïonesa, que ta agonizandu antia la iminente chegada del nuevu equipu municipal, a lu menos qu´amuesen dalgún tipu de sensibilidá hacia la nuesa cultura, lu que ensín dubia sedrá dalgu abegosu, dadas las nidias tendencias castellanistas del Partíu Popular de Llión , que siempres amuésase d´alcuerdu cunas políticas d´uniformidá cultural del Goviernu autonómicu, que arrequeixan y aminorgan tolas siñas d´identidá del pueblu llïonés. Ensín dubia avéranse malos días pa la nuesa cultura, peru nun vamos a deixare que nin los castellanos nin los derniegos acastellanados finen cuna nuesa cultura, la cultura de nuesos pais y de los nuesos guelos pur mas queyes manque.

El ciclu entamóu´l vienres y 20 cun un conciertu de curdión diatónicu y rabel, y sigi´l vienres y 27 cun unu de chifla y tamborín. En Xunu y 3 sedrá la vecera la gaita y el tambor, pa finare Xunu y 10 cun una sesión de dulzaina. Tou a cargu de las Agrupaciones de Ária de Formación Tradicional de la Conceyería de Cultura Llïonesa del Conceyu de Llión, asperandu qu´estos autos seyan cumu´l últimu glayíu d´un Ave Fénix, enantias d´un prósimu resurdimientu.

ELLEICIONES A CONCEYOS Y CORTES 2011

¡¡¡¡¡¡¡¡¡BÓTAILOS YÁ!!!!!!!!!!!

(Curtaiyes las alas)

nun votes PPSOE

Avéranse las elleiciones 2011, y outra vuelta más ta na tua manu escoyere quién va a sere a gobernante los vinientes cuatru años, nun sólu nel tou conceyu, sinon tamién nas Cortes Castellanas de PPuZela. Tu dicides si quies sigire cun más de lu mesmu ou quies dar fuercia a la tua tierrina, votandu ociones llïonesistas. Si quies sigire siendu lu cabeiru de la Comunidá, ou prefieres que la tua voz seya sigida y sintida.

NUN VOTES PARTIOS CASTELLANISTAS

-IU CyL, UPyD CyL....-

(Trabayan pa Valladolí)

SI NUN YES A CAMENTARE PULA TUA TIERRA

NAIDE VA VINIRE DE FUERA

A FACELU