Conteníu:Abordará’l mundu’l tiatru en Llión a lu llargu del sieglu XX, dende una perspeutiva erudita y al mismu tiempu amena que tentará d’aceder a un mundu tan desconocíu cumu ye’l de la escena llïonesa durante esta dómina. Asina escomencipiaremos cun una revisión del tiatru anterior al añu 1936 que se moverá ente las fórmulas cómicas comerciales y un tentu pur aceder a la Vanguardia europea anunciada nel tiatru pur Ortega y Gasset: Figuras cumu “Lamparilla”, Angelmo Gómez y Francisco Pérez Herrero xunta Victoriano Cremer, inclúinse n’esti periodu. Tras la Gerra Civil el tiatru llïonés altraviesará unos momentos de vacíu idiolóxicu qu’escomencipian a compensase a partir de 1975 cuna chegada de grupos tiatrales venceyaos a un sentimientu d’esperimentación dramatúrxica. Felizmente esti impulsu caltúvuse ata anguañu y hai autores cumu l’ilustre desconocíu Armando Llamas, Fermín Cabal, ou la nueva xeneración representada pur Daniel Martínez Vallejo ufiertan una escelente preba de la vixencia de la sensibilidá escénica n’esta ciudá.
Breves notas curriculares:María José Conde Guerri, ye doutora en Filoloxía Hispánica pula Universidá de Zaragoza cuna calificación de sobrusaliente Cum Lauide y premiu estraordinariu de Doutoráu. Fou profesora nas Facultáes de Filosofía y Lletras de las universidáes de Zaragoza y Llión. Anguañu ye Profesora Titular de Lliteratura Hespañola nel Departamentu de Filoloxía Hespañola de la Facultá de Filosofía y Lletras de la Universidá de Llión.
La suas investigaciones decantónunse p’hacia los sieglos XIX y XX, atendiendu a los xéneros de prosa, puesía y, fundamentalmente, tiatru. Darréu detallamos dalgunos trabayos resiñantes de la sua autividá:
Prosa (en xeneral). Voluntariamente nun apuntamos títulos concretos. Estudios sobru la lliteratura del sieglu XIX (Etapa realista y naturalista), Estudios sobru la etapa finisecular: Autores cumu Valle Inclán, Cansinos-Assens, Gómez de la Serna, Analís de la Prosa y los Autores de Vanguardia.
Poesía (En xeneral): la poesía femenina de Vanguardia, la llírica contemporánea.
Tiatru (En xeneral): estudios sobru’l tiatru del sieglu XIX (Larra, Galdós…) estudios sobru’l tiatru de 1900 a 1940, atendiendu n’especial al tiatru d’humor (Edición de las Obras Completas de Enrique Jardiel Poncela y distintos ensayos sobru autores de la época dende Muñoz Seca a Miguel Mihura y los autores de la “Alta Comedia”. Estudios sobru’l tiatru de 1950 a l’autualidá: Jaime Salóm, Rodríguez Buded, Alonso Santos, Fermín Cabal, Paloma Pedrero…
N’esti capítulu merz especial atención l’interés pul tiatru feichu en Llión a lu llargu’l sieglu XX, desendolcandu deillos artículos y ensayos sobru esta parcela.
Información en castellano en "comentarios"