El prósimu setiembre y 29 ta convocada una fuelga xeneral en tou l´Estáu. Si dalgunos tienen mueitos motivos, nel País de nuesu tenémoslos asgaya, purque los motivos presentes chueven sobru moyáu, purque van mueitos años que los desemeyaos goviernos, tantu autunómicos cumu estatales esfuércianse n´esmantelar tol nuesu teyíu produtivu, obligandu a los nuesos xóvenes a sortire pa outras tierras, cul consigiente empobrecimientu poblacional, qu´arrequeixa los nuesos pueblos escontra las cuerdas y faz llangidecere las nuesas ciudaes.
Pur esu y pesia los erros d´unos sindicatos suvencionaos pul goviernu, los trabayadores tamos obligaos a nunca nun deixare qu´estos políticos campen a las suas anchas, de la manu de los empresarios intierrandu tolos llogros sociales del cabeiru cuartu de sieglu, y tou amás pula sua incompetencia manifiesta y el sou afán de llucru que sólu llucha pur caltenere los privilexios de la clas política que vive alluenxada de los ciudadanos y de las suas llexítimas aspiraciones.
Guei traiguvos esti cartelu, nun pur facere propaganda d´un determináu sindicatu, si non pur tare d´alcuerdu cul sou mensax. Sólu dicire que la semeya de los fubolistas bien podría camudase pula de los nuesos políticos que ni siquiera tienen que correre pa ganase´l pan.
No hay comentarios:
Publicar un comentario