Mientras "La Junta" trabaya pa fuliminare cualesquier resquiciu de la realidá birrexonal de la sua Comunidá, dalgunos empresarios sigen trabayandu en niciativas valientes pa defendese de los abusos del poder autonómicu que sigi discriminandu a aqueillos produtos que nun se pliegan ante las falsas marcas seudorexonalistas, cumu ye´l casu de la Tierra(¿Cuál?) de sabor, el queixu sólu castellanu y agora los fungos y cogordos que nun seyan del País Llïonés. La cousa nun deixaría de ser un xuegu políticu desigual, si nun fuera purque tan maneyandu los nuesos impuestos escontra nuestra, y tan financiandu cun eillos las suas industrias escontra las de nuesu.
Sedría necesariu que los empresarios tomasen conciencia de la necesidá de pasare del esfuerciu provincial al braeiru rexonal qu´enfrentase a "La Junta" a la xusta dimensión del problema.Yá surden voces na interrede que claman pur nun mercare produtos castellanos, cumu un mediu de llucha escontra los intereses empresariales de los que reman nel barcu de la falsa autonomía inventada. Si los llïoneses de norte a sur nun mercamos los nuesos produtos nun van a venire de Valladolid a facelu.
No hay comentarios:
Publicar un comentario