ABRIL Y 24.
DÍA LA INDEPENDENCIA.
HOMENAX A LOS HÉROES LLÏONESES
Cumu tolos años, al averase la data de Abril y 24 , dende ComunidáLlïonesa.YE -ComunidadLeonesa.ES- (Coordinadora d´Uerganizaciones, Asociaciones y Coleutivos) queremos convidar a tolos llïoneses a acompanganos na cellebración del llariegu Homenax a los Héroes Llïoneses.
Cumu siempres comentamos, la elleición d´esta data nun ye casual puestu que n´Abril y 24, 1.808, la capital del Reinu de Llión, cul sou coronel D. Lluis de Sosa a la tiesta, fou la primeira ciudá d´Hespaña en sublevase escontra las tropas de Napoleón, esistiendu na nuesa ciudá, dende mediaos del sieglu pasáu, sendas cais cunos nomes "24 de Abril" y "Luis de Sosa" que facen alcordanza d´aquel feichu hestóricu, recoyíu, ente outros documentos de la época, na currespondiente Auta del Conceyu de Llión, tandu dichos sucesos nel orixe d´esti Homenax a los Héroes Llïoneses y la colocación d´una placa nel Consistoriu vieyu de la Plaza Mayor, nel Bicentenariu de los feichps, cul testu darréu:
Cuincidiendu esti añu la data d´Abril y 24, cul Domingu Resurreición, el citáu Homenax cellebraráse a la tarde, cuncentrándonos, a partire las 18,30 horas, na plaza Samarcelu, escontra Botines, cunas nuesas bandeiras llïonesas.
P´amenizare l´aspera habrá músicallariega y hacia las 19,00 horas, acompangaos pula música, niciaremos el recorríu habitual qu´esti añu se desenrrollará pula cai Ancha, Plaza Regla, cai Marianu Dominguez Berrueta y Plaza Mayor onde se rializará la lleutura del Manifiestu. La colocación la corona llaurel n´alcuerdu los Héroes de Abril y 24, y de tolos Héroes Llïoneses, conocíos y anónimos, qu´altraviés la hestoria lluchonun y lluchan pa defendere la sua tierra, fadrase darréu nel balcón del Consistoriu Vieyu na Plaza Mayor.
¡¡¡TAIS TOOS CONVIDAOS!!!
www.comunidadleonesa.es y
www.comunidadleonesaes.
¡RESPETU PA LA LLINGUA, CULTURA YA IDENTIDÁ LLÏONESAS!
No hay comentarios:
Publicar un comentario