OCEYU (OCEJO) LA PEÑA. FEISMU N´ESTÁU PURU

OCEYU (OCEJO) LA PEÑA

FEISMU N´ESTÁU PURU

Oceyu la Peña ("Ocejo de la Peña" en castellán) en Llión, ye ensín dubia unu de los requeixos más prestosos d´esta provincia del norte del Reinu de Llión (País Llïonés). Un pueblu allugáu na Montaña Oriental Llïonesa a 1160 mts. sobru´l nivel del mar, arrodiáu de montañas y que cunta cun malpenas 30 habitantes que resisten a duras penas, escontra tou, inclusu escontra las alministraciones, que lluenxe de sofitalos, paez que tentan de faceles rendise pa qu´abandonen estas tierras.

Si non, nun sedríamos a pescanciare, cumu n´estos tiempos, onde ye abegosu sobruvivire pa la xente de los pueblos, que lluchan pa caltenese n´esti llugar, las autuaciones de las alministraciones son mínimas y mueitas vueltas van escontra de lu que debiera sere l´ ameyoramientu de las condiciones de vida, yá de pur sí abegosas.

Un choupu del País

baixu la peña La Quebrantada

Unu de los recursos d´estos pueblos ye´l turismu, que nun siempres deixa beneficios direutos, peru siempres deixa dalgu. Pa eillu ye importante que las autuaciones seyan respetuosas cul mediu y l´entornu, pa caltenere l´arume d´estos pueblos peru dandu servicios a los sous pobladores, del mesmu mou que los conceyos debieran facer normas costructivas que respeten el xeitu llariegu de facere las cousas.

Pur tou lu dichu nun ye atalantable lu que dalgien fizu, nun sabemos quién, afincandu al llau del cañu, onde enantias aguardábanse las lleicheiras a l´aspera la recoyida, una parada d´autobús más propia d´Ordoñu ou del Paseyu Zorrilla, que d´un pueblu esqueicíu, nel fondu d´un val de montaña.sobru´l arrueyu la Duerna que crucia´l pueblu cumu una sierpe.

Pur si estu nun fuera abondu, engalánase l´abellugu los viaxeros cun un preciosu cuntenedor de papel d´un azul vivu, que sólu ye a entonare cul cielu los meyores días del branu. Esti exemplu nidiu de perfeuta integración cul alrodiu nun tará completu, cumu bon agasayu ensín una cinta que tou lu envuelva cunos colores roxu, mariellu y claru y los escudos del enxendru que tien que tare pur todas partes, pa que nun seyamos a esqueicere a quién debemos tan altas cuotas de desenrrollu.

Pur si surde la envidia nos pueblos la contorna , ponse un inventu asemeyáu nel pueblu d´al lláu (y nun me refieru al oxetu móvil, ni al poste formigón que cumpite cuna espadaña la igrexia de Santa Olaya la Varga.

A poucos metros de la parada,

siñálase una ruta de senderisu,

cun outru xeitu, dafeichu desemeyáu,

peru más integráu ensín dubia

Esti ye un exemplu de cúmu

pueden facese bien las cousas,

en Pinos, na comarca de Babia

(Montaña Oucidental llïonesa)

L´alrodiu del pueblu ye un llugar cun mueitos requeixos máxicos d´una naturaleza viva, apenas si cantiada pul home pa las xeiras llariegas a lu llargu los años y agora cul abondonu de las llabores del campu, tornan pulos suos fueros, traspasandu sebes y murias esbarrumbadas pul pasu del tiempu y l´esqueizu.

L´augua surde pur todas partes n´estos días, cuandu fúndense las ñeves tras las chuvias, y que dende cuantayá diera forma a esti piqueñu val onde un día asentónuse los homes pa dominar estas tierras y tentonun de domala pa regare los guertos.

La Peña furada,
cul sifón de La Duerna
al fondu´l barrancu

Averáu al pueblu alcontramos un butre agonizandu que nos sous postreiros intres amosóunos outra vuelta l´espreciu que las alministraciones amuesan pur estas xentes. Chamamos al teléfonu 112, de chamada gratuita y cobertura universal sigún, y ensín cansase de repetire, espubliza la Conseyería de Presidencia de la "Junta" de Castiella. Nun hai serviciu nel pueblu purque nun hai cobertura enchenu´l sieglu XXI. Esti ye´l resumen del conceutu de "seviciu públicu" que tenemos que sufrire los llïoneses que nun abandonamos el castru, pesia los romanos.

El ganáu y los mastines
son los únicos dueños del val