LA MAZCARADA DEL CONCEYEIRU
Entama una nueva esposición nel Palaciu Don Gutierre, y n´esta oucasión nun podemos deixare de referinos a eilla cun murnia, nun pula propia esposición, si non pula costatación de lu que yá yéramos a vere nas cabeiras autividaes sofitadas dende la Conceyería de Cultura Llïonesa del Conceyu capitalinu: el progresivu abandonu del usu de la nuesa llingua pula parte de quien más debería facere pul sou caltenimientu y pul sou esporpolle. Nel programa de manu sólu figuran el títulu en lletra diminuta y na robra del Conceyeiru, amás de nos logutipos del Palaciu y de la Conceyería. el restu pur más, tornan al castellanu ¿Quéi pasóu?
Estu ye lu que pasa cuandu unu nun ye a creyere n´aqueillu que diz que defiende, cuandu pesan más outras razones, cumu las famosas razones d´Estáu, agora tócaye´l turnu a las razones elleutorales pul averamientu de los prósimos comicios, y el Conceyeiru tien miedu, miedu de que dalgien seya a camentare que ye un radical pur sofitare la llingua de nuesu. Una oportunidá d´harmanare la llingua de nuesu y averala a la nuesa llingua de Miranda, al traviés de la Ciudá de Bergancia que ye parte autiva na esposición. Outra oportunida d´amosare lu que ye la nuesa llingua y que ta viva ente nos. El Conceyeiru de Cultura Llïonesa nun sabe ou nun puede, peru lu que nunca nun debiera ye facere de menos al nuesu más sonce tesoru, que t´arrodiáu d´enemigos pur todas partes y él nun puede amagase. Entoncias ¿Quéi sedrá lu que venga darréu? ¿Finare cunas clases de llingua?
3 comentarios:
norabona leñador, you tamién dime cunta de lu que se ta faciendu na conceyería que supuestamente sofita la llingua. Y qué pasa ¿naide más diz nada en públicu? Animu a que tolos que tamos na llucha pula llingua de nuesu denunciemos el total abandone la llingua y el sele pasu al castellán y non al billinguismu que s'aplicaba ata van bien poucos días.
norabona leñador, you tamién dime cunta de lu que se ta faciendu na conceyería que supuestamente sofita la llingua. Y qué pasa ¿naide más diz nada en públicu? Animu a que tolos que tamos na llucha pula llingua de nuesu denunciemos el total abandone la llingua y el sele pasu al castellán y non al billinguismu que s'aplicaba ata van bien poucos días.
Yá va bien de tiempu que las temas de la Llingua Llïonesa tan siendu esqueicidas pula conceyería. Esta tema ye cimeira na nuesa cultura. Gracias pul tou sofitu Leñador.
Publicar un comentario