El pasáu 30 y Xunu, apresentóuse la nueva ñiciativa de la Conceyería de Cultura Llïonesa del Conceyu de Llión y tamién fitu históricu nel procesu de recuperación y normalización del nuesu idioma: Llionpedia, la enciclopedia en llingua llïonesa participativa y de baldre.
Llionpedia ye una ferramienta enciclopédica on-line, a la que cualisquiera usuariu ou falante de llingua llïonesa puede acedere al traviés de la direicion www.llionpedia.eu. Esti espaciu nacéu cun más de mil artículos en llïonés, y guei tien más de 2500, pudienduse creyare pula parte los internautas una infinidá más d'eillos ou bien modificar ou enantare los yá esistentes.
L'oxetivu d'esta ñiciativa ye dare puxu al idioma y al sou valor cultural cul mínimu coste que supunxu l'alquisición del domiñu .eu.
No hay comentarios:
Publicar un comentario