APRESENTACIÓN DE LLIBRU EN SOTU LA VEIGA

Facere clic sobru la semeya pa vere detalles

Tais toos convidaos, el prósimu vienres y 25, a las 20:30 horas, a l´apresentación del llibru de Joaquín Cuevas Aller, nomáu "Historia de Asturias y León. El nacimiento de España" nas istalaciones del Museyu "Mundo-Mosca", en Sotu la Veiga. L´autu ta entamáu pul Conceyu de Sotu la Veiga y cuntará cuna participación de Felisa Brímez, conceyeira de cultura nel Conceyu de Sotu, Charu Martínez qu´autuará cumu apresentadora del llibru (n´esta nueva edición) asín cumu del autor y la sua obra. Peichara l´autu el propiu autor Joaquin Cuevas Aller.

L´ALFARERÍA NEL REINU DE LLIÓN

Facere clic sobru las semeyas pa vere detalles

Una de las amuesas de la identidá d´un pueblu son los trabayos que desenvuelven los sous homes. L´alfarería, n´esi sen, nun solu son los trabayos que se desenvuelven pa creyar oxetos d´usu diariu, sinón tamién l´arte cun que tán feichos, cun que tán pensaos. Pur eillu van configurandu un tou que forma parte de la Cultura Llïonesa. Pur eillu son parte de nos mesmos. Pur eillu la Conceyería de Cultura Llïonesa del Conceyu de Llión entama esta " Esposición d´Alfarería del Reinu de Llión" cuna qu´ufierta a los llïoneses la posibilidá de vere dalgu más que´l produtu del trabayu d´unos artistas, un cachu de la nuesa identidá cumu pueblu desemeyáu en forma d´arte.

Abel Pardo Fernández
Conceyeiru de Cultura Llïonesa

ESPOSICIÓN
PALACIU DON GUTIERRE
Salón d´Autos y Esposiciones
De setiembre y 18 a Outubre y 9

Horariu de visitas: de Llunes a Vienres
Mañanas de 11 a 14h.
Tardes de 18,30 a 21,30h
Domingu, Outubre y 4, abiertu n´horariu de mañana

EL CORREDOR CHEGA PA NAVATEYERA

EL CORREDOR
NA ARQUITEUTURA LLARIEGA LLÏONESA

La esposición itinerante promovida pur "Plataforma Proidentidad Leonesa", "El Corredor en la Arquitectura Tradicional Leonesa" entama una nueva estaya en Navateyera, cul sofitu del Conceyu de Villaquilame, na Provincia de Llión. L´amuesa qu´esenrrollonun Miguel Sánchez, Puri Lozano y Javier Callado podrá sere visitada y gueyada, ente los días Setiembre y 7 ata´l 20, na Cá de Cultura de Navateyera, n´horariu de tarde (18 a 21h) tolos días la selmana.

IV ALCUENTRU DE CULTURA NEL REINU DE LLIÓN

IV ALCUENTRU DE CULTURA
NEL REINU DE LLIÓN

Entamáu pula organización cultural La Caleya y cul sofitu del Conceyu d´Estorga ente outros, va a cellebrase´l IV Alcuentru de Cultura nel Reinu de Llión, cul finxu d´ufiertare nun contestu festivu y cellebriegu la posibilidá de que las asociaciones culturales llïonesas alcuéntrense conozcanse ya intercambien información alrodiu las suas respeutivas asociaciones, oxetivos, autividaes y proyeutos.

Llugar: Estorga, provincia de Llión.

Data: domingu, setiembre y 13, 2009. (Domingu más abeuráu a setiembre y 15 , festividá de la Virxe del Camín, Patrona de la nuesa Rexón Llïonesa)

Programa d´autos:

• 10:00 Parva y receción de participantes.
• 10:45 Salida de los pendones.
• 11:30 Misa n´honor de la Patrona de la Rexón Llïonesa (na parroquia de Santa Marta) Dispués tornan los pendones ata La Eragudina.
• 13:00 Apertura los puestos.
• 13:15 Robra de llibros.
• 13:30 Bailles rexonales y de pendones.
• 14:30 Cocíu popular.
• 16:00 Xuegos y deportes llïoneses.
• 17:00 Lleutura d´ El Prencipicu.
• 18:00 Alcuentru de música llariega llïonesa y homenax al tamboriteru maragatu Antonio Martínez.
• 21:00 Sopas de ayu.

DESCUBRI UN PAÍS: VAL DEL SILENCIU

Dientru del ciclu d´escursiones entamáu pula Conceyería de Cultura Llïonesa del Conceyu de Llión, esti domingu chega-ye´l turnu a esti vellu requeixu del nuesu País Llïonés, na Comarca de El Bierzu, a las pías de los Montes Aquilanos, n´una parte del val del ríu Oza, pur esu nomáu ente nos, Valdueza.